شنو كيميز الشيفور المهني
بدا بالسوگان الآمن
- بزاف ديال الناس كيحسبو إلى كان الشيفور كيهضر خمسة ديال اللغات راه ولى محترف.
- اللغات زوينة وكتعاون، ولكن الأساس هو السوگان.
- الكليان خاصهم يحسو بالأمان معاك وانت كتسوق.
عرف وقتاش تهضر ووقتاش تسكت
- ومن بعد خاصك تعرف تقرا الناس.
- الموسيقى تكون غير شوية فـbackground.
- تعرف وقتاش تهضر ووقتاش تسكت.
- Don't talk too much, don't talk too little.
- خاصك تلقى داك sweet spot.
- ماشي كل دقيقة كتفتح معاهم شي موضوع، وماشي حتى تبقى ساكت طول الطريق بلا ما تحس بيهم.
كون واجد وخلي الطوموبيل نقية
- الاحترافية كتبان حتى فالتفاصيل: تكون نقي ولابس مزيان، ماشي ضروري costume وcravate.
- تكون واجد عشر دقايق قبل الموعد.
- فاش تهبط الكليان فالأوتيل، حيد القرعات الخاويين والزبالة، ومن الغد مسح الجاج وشوف الطوموبيل واش باقية مرتبة.
تفاهم على التوقيت وراعي الكليان
- بالنسبة للانطلاق ديال الغد، أنا كنفضل نعطي recommendation ديالي ونسمع حتى الكليان، ونخلي الأمور التشغيلية المهمة واضحة ومكتوبة.
- والعائلات اللي معاهم الدراري الصغار خاصك تراعي الراحة ديالهم، ولكن بلا ما تكثر عليهم بالسؤال.
- الاحترام هو تخدم مزيان وتعرف وقتاش تقرب ووقتاش تخلي الناس يرتاحو.
هاد النصائح من التجربة فالطريق، ماشي تكوين رسمي ولا شهادة مهنية. تأكد ديما من القوانين وتعليمات السلامة. شروط الاستعمال