الطوموبيل قبل أول عملية ديال البيكاب
شد الطوموبيل من قبل
- إلى كان عندي tour غدا، وعطاوني طوموبيل أول مرة غادي نسوقها، كنشدها نهار قبل.
- ماشي غير ناخد الساروت ونمشي نباركيها حتى يجي الصباح.
قلّب فالوراق وتجهيز السلامة
- قبل ما نشعل الموطور، كنشوف الوراق: la carte grise، l'assurance، la visite technique، l'agrément، وcertificat d'homologation ديال الزاج teinté إلى كان معني. كنشوف حتى الوراق ديالي.
- كنقلّب فـextincteur، التاريخ ديالو وواش l'aiguille فالخضر، وكنحل boîte à pharmacie ونشوف شنو فيها وواش الحوايج مازال صالحين.
سجل حالة الطوموبيل
- من بعد كندور على الطوموبيل مع اللي سلمنيها.
- شي خدش، باب ما خدامش، كرسي مكسور، خاص كلشي يكون واضح.
- أنا كنفضل ندير فيديو 360 ونصيفطو فالواتساب.
- وحتى فاش كنرجع الطوموبيل كندير نفس الحاجة.
- هكا كل واحد عارف شنو تسلم وشنو رجع.
وجد الطوموبيل للتور
- كنشوف les pneus، roue de secours، cric والعدة، الزيت، ceintures ديال الركاب، وخصوصاً آخر vidange.
- ماشي غير شحال باقي للصيانة؛ كنحسب حتى شحال غادي ندوز من kilomètres فداك programme.
- وكنتعلم commandes ديال الطوموبيل قبل ما نجلس الكليان: clim، musique، Bluetooth، الشارجور.
- إلا كانت موسخة كنمشي نغسلها.
- نهار الأول خاص الطوموبيل تكون نقية.
- وكنوجد manifest من الليلة قبل، ونخلي signature ديال الكليان حتى نتلاقا بهم.
هاد النصائح من التجربة فالطريق، ماشي تكوين رسمي ولا شهادة مهنية. تأكد ديما من القوانين وتعليمات السلامة. شروط الاستعمال