باقي rookie؟ تعلم الطريق tour ب tour
عرف بلي مازال كتتعلم
- أول tours كتديرهم ماشي دليل بلي وليتي كتعرف المغرب كامل. هادي غير البداية.
- المشكل عند بزاف ديال الناس هو l'ego: يا الله بدا الخدمة وكيحسب راسو عارف كلشي، وما كيبغيش يسول ولا يقبل شي واحد يصححو.
سول ووجد الطريق ديال غدا
- إلى كنت باقي rookie، عرف راسك باقي rookie.
- سول الشوافر اللي سبقوك، سول les guides، عيط لهادا ولهادا، وتعلم.
- أنا فالتورات اللولانيين، فاش كنهبط الكليان فالأوتيل، كنرجع نقلب فـGoogle Maps على trajet ديال غدا.
- كنشوف شنو مكتوب فالprogramme، كنصاوب les points وكنقلب على الأماكن اللي غادي ندوز منها.
تعلم من الوقفات واحترم البرنامج
- ممكن تكتشف شي بلاصة تستاهل وتخليها فبالك للتورات الجاية.
- ولكن هادشي ما كيعنيش تبدل programme اللي باعو tour operator بلا اتفاق.
- كل tour كتعلمك شي حاجة: طريق، توقيت، parking، شي معلومة على المنطقة، ولا كيفاش تتعامل مع شي موقف.
بني التجربة ديالك بشوية
- فالأولين، تعلم آ خويا. سول وتعلم، ما تحشمش.
- الاحترافية كتجي من بعد التجربة، ماشي غير من النهار اللي شدّيتي فيه أول tour.
هاد النصائح من التجربة فالطريق، ماشي تكوين رسمي ولا شهادة مهنية. تأكد ديما من القوانين وتعليمات السلامة. شروط الاستعمال